وزیر اعظم کے مشیر برائے اطلاعات ڈاکٹر شہبار گل نے سماجی رابطے کی ویب سائٹ ٹوئٹر پر اپنھے ایک پیغام میں بتایا کہ آج وزیراعظم قوم سے خطاب کریں گے.
وزیراعظم پاکستان جناب عمران خان صاحب آج رات قوم سے خطاب کریں گے۔
— Dr. Shahbaz GiLL (@SHABAZGIL) March 30, 2020
ان کا کہنا ھے کہ وزیراعظم معیشت پر کورونا وائرس کے اثرات کے حوالے سے قوم کو اعتماد میں لیں گے جبکہ تعمیراتی انڈسٹری، لاک ڈاؤن اور شاہراہوں کی بندش سے متعلق اہم اعلانات بھی کریں گے۔
وزیراعطم کے پیغام میں تعمیراتی شعبے کی بحالی کے لیے اعلان شامل ہے جبکہ تعمیراتی صنعت کو ٹیکس سمیت کئی طرح کی چھوٹ کا اعلان پیغام کا حصہ ہے۔
ذرائع کے مطابق وزیراعظم کے پیغام میں انجینیئرنگ، ڈیزائن، ماربل اور سینیٹری کی صنعت کے لیے بھی اعلانات، دیہاڑی داروں، مزدوروں و مستحقین اور ایک کروڑ افراد کیلئے مراعات شامل ہیں۔
ذرائع کا کہنا ہے کہ موجودہ حالات میں ایک کروڑ 20 لاکھ افراد کو احساس پروگرام کے تحت ماہانہ امداد ملے گی۔
