لاہور: آرمی چیف جنرل قمرجاوید باجوہ نے واضح کر دیا ہے کہ دشمن کی کسی بھی وقت اور کسی بھی طرح کی مہم جوئی کا بھرپور جواب دیا جائے گا.
جنرل قمر جاوید باجوہ نے ان خیالات کا اظہار لائن آف کنٹرول کے دورے کے موقع پر کیا. آرمی چیف نے اس لائن آف کنٹرول کے اگلے مورچوں کا بھی دورہ کیا اور کہا کہ دشمن کو ہرگز کسی خوش فہمی میں نہیں رہنا چاہئے.
پاک فوج کے شعبہ برائے تعلقات عامہ (آئی ایس پی آر) کے مطابق آرمی چیف نے ایل او سی پر جوانوں کی تیاریوں اور بلند حوصلے کی تعریف کی اور اس بات پر ان کے عزم کی تعریف کی کہ یہ مجاہد ہمارے سپاہی ہمیشہ دشمن کو ہر طرح سے جواب دینے کیلئے تیار ہیں.
COAS visited Line of Control. Reviewed state of preparedness. Lauded high moral of troops.
“Pakistan is a peace loving country but we will not be intimidated or coerced. Any aggression or misadventure shall be paid back in same coin”, COAS. pic.twitter.com/RUpdCzxWeI— Maj Gen Asif Ghafoor (@OfficialDGISPR) February 22, 2019
آئی ایس پی آر کے مطابق آرمی چیف نےا یل اوسی کے چری کوٹ اور باگسر سیکٹرز کادورہ کیا، اس موقع پر آرمی چیف جنرل قمر جاوید باجوہ نے کہا کہ پاکستان امن دوست ریاست ہے، ہم نہ تو خوف زدہ ہیں اورنہ ہی مجبور ہیں.
یاد رہے کہ آج ڈی جی آئی ایس پی آر میجر جنرل آصف غفور کی جانب سے ایک خصوصی پریس کانفرنس کی گئی، اس موقع پر پاک فوج کے ترجمان نے کہا کہ ہمارا پیغام واضح ہے، بری نظر سے دیکھنے کا سوچو بھی نہیں ، بھارت جان لے، پاکستان بدل رہا ہے جنگ ہوئی تو فوجی ردعمل بھی مختلف ہوگا۔
انھوں نے مزید کہا کہ قوم کو مایوس نہیں کریں گے، بھارت پاکستان کو کسی بھی قسم کا کوئی سرپرائز نہیں دے سکتا بلکہ ہمارا ردعمل ضرور بھارت کو سرپرائز دے گا.
